पर्सा प्रहरीले एक थान कटुवा पेस्तोलसहित दुई जनालाई पक्राउ गरी आज सार्वजनिक गरेको छ।
प्रदेश प्रहरी कार्यालय जनकपुर र जिल्ला प्रहरी कार्यालय पर्साबाट हिजो साँझ खटिएको संयुक्त गस्ती टोलीले जिल्लाको वीरगञ्ज महानगरपालिका वडा नम्बर १३ श्रीपुरस्थित हुलाकी सडकमा हिँडिरहेका दुई जना युवक उपर शंका लागि उनीहरूलाई खानतलासी गर्दा उनीहरूको साथबाट एक थान कटुवा पेस्तोल बरामद भएको जिल्ला प्रहरी कार्यालय पर्साका प्रवक्ता डिएसपी ओमप्रकाश खनालले जनानकारी दिए।
पक्राउ पर्नेमा वीरगञ्ज महानगरपालिका वडा नम्बर २४ सिर्सिया निवासी २७ वर्षीय दीपेन्द्र साह र २३ वर्षीय सनोज गुप्ता रहेको डिएसपी खनालले बताए।
उनका अनुसार अभियुक्तहरूलाई थप कारबाहीका लागि प्रहरी हिरासतमा राखी अनुसन्धान अगाडि बढाइएको छ।
