सशस्त्र प्रहरी बल (एपिएफ) ले दसैंको दुई दिन नि:शुल्क बस सेवा सञ्चालन गर्ने भएको छ।
महानवमी र विजयादशमीको दिन एपिएफले काठमाडौंमा नि:शुल्क बस सेवा सञ्चालन गर्न लागेको हो।
एपिएफका अनुसार यो सेवा २८ गते बिहीबार बिहान १० बजेदेखि २९ गते शुक्रबार साँझ ५ बजेसम्म सञ्चालन हुनेछ।
बस दुइटा रूटमा सञ्चालन भई चक्रपथ परिक्रमा गर्नेछ।
पहिलो रूटमा एपिएफको प्रधान कार्यालय हलचोकदेखि वनस्थली, बसुन्धारा, चाबहिल, कोटेश्वर, सातदोबाटो, कलंकी हुँदै हलचोक फर्किनेछ।
दोस्रो रूटमा हलचोकबाट स्वयम्भू चोक, कलंकी, सातदोबाटो, कोटेश्वर, चाबहिल, वनस्थली हुँदै हलचोकसम्म बस गुड्ने एपिएफले जनाएको छ।
प्रकाशित मिति: मंगलबार, असोज २६, २०७८, ०४:१३:००
.JPG)
