एथ्लेटिक्स अन्तरगत आइतबार भएको चार समय मिटर दौडमा पुरुषतर्फ एपिएफका निरप्रताप महतोले स्वर्ण पदक जितेका छन्।
४९ दशमलव ३५ सेकेण्डका साथ स्वर्ण पदक जित्दा एपिएफकै शिवराज पार्कीले ५० दशमलव ४५ सेकेण्डमा उक्त दूरी पार गर्दै रजत पदक हात पारे।
यो स्पर्धामा प्रदेश १ का प्रकाश दनुवारले ५० दशलमव ६३ सेकेण्डको टाइमिङका साथ कास्य पदक हात पारे।
सोही स्पर्धा अन्तर्गत महिलातर्फ स्वर्ण र रजत पदकमा त्रिभुवन आर्मीले कब्जा गरेको छ। आर्मीकी तुलसा खत्रीले ५९ दशमलव ९१ सेकेण्डका साथ स्वर्ण पदक जित्दा संगीता मेचेले १ मिनटे ०० दशमलव २९ सेकेण्डमा दूरी पार गर्दै रजत पदक हात पारिन्।
यो स्पर्धामा कास्य पदकमा भने प्रदेश ५ की अरुणा रिजालले नाम लेखाउन सफल भइन्।
