वेस्ट इन्डिजविरुद्धको पहिलो टेस्टको पहिलो इनिङ्ग्समा घरेलु टिम इंग्ल्यान्ड सस्तैमा समेटिएको छ।
इंग्ल्यान्ड पहिलो इनिङ्ग्समा बिहीबार २०४ रनमा अलआउट भयो। इंग्ल्यान्डका लागि सबैभन्दा बढी कप्तान बेन स्टोक्सले ४३ रन जोडे।
जोस बटलरले ३५ रन बटुल्दा डोम बेसले नटआउट ३१ रनको योगदान दिए।
बलिङमा वेस्ट इन्डिजका कप्तान जासन होल्डरले ६ विकेट लिए। उनले २० ओभर बलिङ गरेर ६ मेडन राख्दा ४२ रन खर्चिए।
सानन ग्राबियलले ४ विकेट हात पारे। उनले १५.३ ओभरमा ६२ दिए भने ३ मेडन राखे।
जवाफी ब्याटिङ सुरु गरेको वेस्ट इन्डिजले दोस्रो रनको खेल सकिदा १ विकेटको क्षतिमा ५७ रन जोडेको छ।
-1746009348.jpg)
