इंग्लिस प्रिमियर लिगको च्याम्पियन लिभरपुलले आइतबार राति भएको खेलमा एस्टन भिल्लालाई पराजित गरेको छ। लिभरपुलले घरेलु मैदानमा भएको खेलमा २-० को जित हात पारेको हो।
लिभरपुलको जितमा साडियो मानेले ७१ मिनेटमा पहिलो गोल गरे। यस्तै कुर्टिस जोनले खेल सकिन एक मिनेटमा बाँकी छदा अर्को गोल थपे।
यता अंक तालिकाको दोस्रो स्थानमा रहेको म्यानचेस्टर सिटी भने पराजित भएको छ। सिटीलाई साउथह्याम्टनलाई १-० गोलले पराजित गर्यो।
खेलको १६ मिनेटमा साउथह्याम्टनका एडम्सले गोल गरेका थिए। त्यसपछि सिटीले गोल गर्न प्रयास गरे पनि सफल हुन सकेन।
उपाधि जितिसकेको लिभरपुलले ३३ खेलबाट ८९ अंक जोडेको छ। दोस्रो स्थानको सिटीले ६६ अंक बटुलेको छ।
तेस्रो स्थानको लेस्टरको ५८ अंक छ भने चौथो स्थानको ५७ अंक रहेको छ।म्यानचेस्टर युनाइटेड ५५ अंकसहित पाँचौ स्थानमा छ।