सहिद स्मारक ए डिभिजन लिगमा थ्रीस्टार क्लबमाथि एनआरटीले जित हात पारेको छ।
शुक्रबार एन्फा कम्प्लेक्स सातदोबाटोमा भएको खेलमा एनआरटी १-० गोलले विजयी भएको हो।
एनआरटीको जितमा सन्जिव विष्ट नायक सावित भए। उनले खेलको ३७ मिनेटमा गरेको गोलबाट एनआरटीले महत्वपूर्ण तीन अंक जोड्न सफल भयो।
खेलमा थ्रीस्टारका सन्तोष साहुखल पेनाल्टीमा गोल गर्न चुके। सन्तोषको प्रहार आउट भएको थियो।
जितसँगै एनआरटी अंक तालिकाको आठौं स्थानमा उक्लिएको छ। एनआरटीको १३ खेलबाट १६ अंक भएको छ। थ्रीस्टार १३ खेलबाट २२ अंक जोड्दै दोस्रो स्थानमा छ।
