फ्रेञ्च फरवार्ड करिम बेन्जेमाले क्लब छाड्न लागेको स्पेनिस क्लब रियल म्याड्रिडले पुष्टि गरेको छ।
क्लबसँगको सम्झौता सकिएसँगै बेन्जेमाले यो सिजनको अन्त्यबाट क्लब छाड्न लागेका हुन्।
अब उनले आज राति ला लिगाअन्तर्गत एथ्लेटिक क्लबसँग रियलका लागि अन्तिम खेल खेल्नेछन्।
सिजनको लिगमा उनले रियलका लागि १८ गोल गरेका छन्। उनी लिगमा सर्वाधिक गोल गर्ने खेलाडीको सूचीमा बार्सिलोनाका लेवान्डोस्की (२३ गोल) पछि दोस्रो स्थानमा छन्।
सन् २००९ मा रियल म्याड्रिडमा आबद्ध भएका बेन्जेमाले ४३८ खेलमा २३७ गोल गरेका छन्।
३५ वर्षीय बेन्जेमा साउदी अरब जाने चर्चा छन्। अघिल्लो वर्ष पूर्व सहकर्मी रोनाल्डो साउदी प्रो लिग क्लब अल नासरमा आबद्ध भएपछि अरु खेलाडी पनि साउदी जाने चर्चा चलिहरेको छ।
1626183247.jpg)
