इंग्लिस क्लब म्यानचेस्टर युनाइटेडले इटालीयन क्लब इन्टर मिलानका गोलकिपर आन्द्रे ओनानाका लागि ५५ मिलियन युरो मा सम्झौता गरेको छ ।
क्यामरुनी खेलाडी ओनाना युनाइटेडको अमेरिका भ्रमणअघि टिममा सामेल हुने विश्वास गरिएको छ।
यद्यपी २७ वर्षीय ओनानाको भिसाको व्यवस्था हुनु पर्नेछ।
प्रशिक्षक एरिक टेन ह्याग डच क्लब अयाक्समा हुँदा ओनाना पनि क्लबमा थिए।
युनाइटेड र ओनानाबीच पाँच वर्षको सम्झौता हुनेछ। थप एक वर्ष सम्झौता गर्न सकिने विकल्प हुनेछ।
ओनाना युनाइटेडमा आबद्ध भएसँगै गोलकिपर डेभिड डे गियासँग नयाँ सम्झौता नहुने विश्वास गरिएको छ। डे विगत १२ वर्षदेखि युनाइटेडको पहिलो रोजाइको गोलकिपर थिए।
