पिएसजीबाट अमेरिकी क्लब इन्टर मियामी गएका अर्जेन्टिनी स्टार फुटबलर लियोनल मेसीले डेब्यु खेलमै गोल गरेका छन्।
लिग कप साउथ अन्तर्गत गएराति भएको खेलमा मेसिको गोलसँगै मियामीले क्रुज अजुललाई २-१ गोलले हराएको हो।
पिंक ड्राइभ स्टेडियममा खेलको इन्ज्युरी समयमा मेसीले फ्रि-किक मार्फत सानदार गोल गर्दै टिमलाई जिताएका हुन्।
४४ औं मिनेटमा मियामीका लागि रोवर्ट टेलरले गोल गर्दै अग्रता दिलाएका थिए । तर, ६५ औं मिनेटमा कार्लोस अन्टुनाले बराबरी गोल गरेका थिए ।
बराबरीतर्फ उन्मुख खेलको ९४ औं मिनेटमा मेसीले फ्रिकक गोल गरेका थिए।
मेसी यसै समरमा पेरिस सेन्ट जर्मेन छाडेर मेजर सकर लिग क्लब इन्टर मियामी पुगेका हुन् ।
