फ्रान्स फिफा महिला विश्वकप २०२३ को क्वार्टरफाइनलमा प्रवेश गरेको छ।
आज भएको अन्तिम १६ को अन्तिम खेलमा फ्रान्सले मोरक्कोलाई ४-० गोलले पराजित गर्यो।
फ्रान्सको जितमा सोमरले दुई गोल गरिन्। उनले २३ र ७० मिनेटमा गोल गरेकी थिइन्।
त्यसअघि डियानीले १५ र केन्जा डलीले २० मिनेटमा गोल गरेका थिए।
यससँगै अस्ट्रेलिया र न्युजिल्यान्डमा भइरहेको प्रतियोगिताको क्वार्टरफाइनल समिकरण पूरा भएको छ।
अन्तिम आठका खेल
स्पेन भर्सेस नेदरल्यान्ड्स
जापान भर्सेस स्विडेन
अस्ट्रेलिया भर्सेस फ्रान्स
इंग्ल्यान्ड भर्सेस कोलम्बिया
