वेस्ट ह्याम युनाइटेडले डिफेन्डर ह्यारी म्यागुइरलाई अनुबन्ध गर्न म्यानचेस्टर युनाइटेडसँग ३० मिलियन पाउण्डमा सम्झौता गरेको छ।
गत सिजन युनाइटेडमा पहिलो रोजाइका लागि सङ्घर्ष गरेका इंग्ल्याण्डका ३० वर्षीय सेन्टर ब्याकलाई कप्तानीबाट हटाइएका थिए।
उनी सन् २०१९ को अगस्टमा विश्व कीर्तिमानी ८० मिलियनमा युनाइटेडमा आबद्ध भएका थिए।
म्यागुइरले गत सिजन युनाइटेडका लागि ३० खेल खेलेका थिए। तर लिगमा मात्र आठ खेलमा पहिलो रोजाइमा परेका थिए।
उनी टिममा लिसान्ड्रो मार्टिनेज, राफेल भारान, भिक्टर लिन्डलोफ र लुक शापछि पाँचौ रोजाइको डिफेन्डर बनेका थिए।
