इंग्लिस प्रिमियर लिगमा म्यानचेस्टर युनाइटेडले नटिङघम फरेस्टलाई ३-२ गोलले हराएको छ।
खेलमा नटिङघमका अओयिनीले दोस्रो र बोलीले चौथो मिनेटमा गोल गर्दा सुरुवातमै २-० गोलको अग्रता मिल्यो।
तर युनाइटेडका लागि एरिक्सनले १७ र कासिमिरोले ५२ मिनेटमा गोल गर्दै खेललाई बराबरीमा ल्याए।
६७ मिनेटमा वार्नालले रातो कार्ड पाउदा फरेस्ट १० खेलाडीमा सीमित बन्यो। त्सपछि युनाइटेडका लागि ७६ मिनेटमा ब्रुनो फर्नान्डेजले पेनाल्टीमा गोल गर्दै आफ्नो टिमलाई अग्रता दिलाए।
यता आर्सनल फुलहमसँग २-२ गोलको बराबरीमा रोकिदा टोटेनहमले बर्नमाउथलाई २-०, वुल्भ्सले एभर्टनलाई १-० र वेस्ट ह्यामले ब्राइटनलाई ३-१ ले हराएका छन्।
