साउदी अरबको प्रो-लिगअन्तर्गत क्रिस्टियानो रोनाल्डोले दुई गोल गरेको खेलमा अल-नासरले शाबाबलाई ४-० गोलले पराजित गरेको छ।
मंगलबार राति भएको खेलमा रोनाल्डोले खेलको १३ र ३८ मिनेटमा गोल गरेका थिए। दुवै गोल रोनाल्डोले पेनाल्टीमार्फत गरे।
टिमका लागि तेस्रो गोल साडियो मानेले ४० मिनेटमा गरेका थिए।
यस्तै ८० मिनेटमा सुल्तान अल घनमले टिमका लागि चौथो गोल गरेका थिए।
जारी सिजनमा अल-नासरको यो चार खेलमा दोस्रो जित हो। दुई खेलमा पराजित भएको नासर ६ अंक जोडेर छैटौं स्थानमा छ।
शीर्ष स्थानको अल इत्तिहादले चारै खेलमा जित निकालेर १२ अंक जोडेको छ भने दोस्रो स्थानको अल-अहलीको पनि समान अंक छ। अल हिलाल १० अंक जोडेर तेस्रो स्थानमा छ।
