म्यानचेस्टर सिटीका स्ट्राइकर एर्लिङ हालाण्ड मैदान फर्किएका छन्।
इंग्लिस प्रिमियर लिगमा गएराति बर्नलीविरूद्धको खेलमार्फत हालाण्ड मैदान फर्किएका हुन्।
प्रिमियर लिगमा एस्टन भिल्लाविरूद्ध गत डिसेम्बर ६ मा भएको खेलमा घाइते भएका उनी २५ दिनपछि मैदान फर्किएका हुन्।
गएराति इतिहाड स्टेडियममा बर्नलीविरूद्धको खेलको ७१ औं मिनेटमा उनी मैदान प्रवेश गरेका हुन्।
घरेलु मैदानमा बर्नलीविरूद्ध ३-१ को जित निकाल्दै सिटी अंक तालिकाको दोस्रो स्थानमा उक्लिएको छ।
बर्नलीविरूद्ध एल्भारेजले २ गोल गरे। उनले १६ र २२ औं मिनेटमा गोल गर्दा ४६ औं मिनेटमा रोद्रीले गोल गरे। इन्ज्युरी समयमा बर्नलीका अमिन अल दखिलले गोल गर्दा सिटी ३-१ गोलले विजयी भएको हो।
दोस्रो स्थानमा उक्लिएको सिटीले ४६ अंक जोडेको छ। एक खेल बढी खेलेर शीर्षस्थानमा रहेको लिभरपुलको ५१ र तेस्रो स्थानमा रहेको आर्सनलको ४६ अंक छ।
