म्यानचेस्टर सिटी इंग्लिस प्रिमियर लिगको ऐतिहासिक उपाधि नजिक पुगेको छ।
मंगलबार राति टोटेनहमलाई २-० गोलले पराजित गरेसँगै सिटी लगातार चौथो उपाधि नजिक पुगेको हो।
सिटीको दुवै गोल हाल्यान्डले गरेका थिए।
अब अन्तिम दिन आइतबार सिटीले वेस्ट ह्यामसँग खेल्नेछ। सो खेलमा जित निकाले सिटीले लगातार चौथो उपाधि जित्नेछ।
सिटीको बराबरी/हार मात्र दोस्रो स्थानको आर्सनलको उपाधि सम्भावना हुनेछ।
आर्सनलले अन्तिम दिन एभर्टनसँग खेल्नेछ। लिगको अन्तिम खेलअघि सिटीको ८८ र आर्सनलको ८६ अंक छ।
