स्पेनिस क्लब बार्सिलोनाले मुख्य प्रशिक्षक जाभीलाई बर्खास्त गर्ने तयारी गरेको छ।
४४ वर्षीया जाभीले जनवरीमा सिजनको अन्त्यमा राजीनामा गर्ने घोषणा गरेका थिए, तर क्लबका अध्यक्ष जोन लापोर्टाले उनलाई क्लबमा बस्न भनेका थिए।
हालैको पत्रकार सम्मेलनमा जाभीको टिप्पणीले क्लबको बोर्डलाई क्रोधित गरेको देखिन्छ,जसले अब स्पेनका पूर्व मिडफिल्डर बर्खास्त हुन सक्नेछन्।
बार्सिलोना बी टिमका प्रशिक्षक राफेल मार्केजलाई जिम्मेवारी दिने तयारी गरिएको छ।
ला लिगाअन्तर्गत अल्मेरियामा बिहीबारको अवे जितअघि जाभीले प्रतिद्वन्द्वी रियल म्याड्रिड र युरोपका अन्य शीर्ष टोलीहरूसँग आर्थिक रूपमा प्रतिस्पर्धा गर्न गाह्रो हुने बताएका थिए।
‘बार्सिलोनाका प्रशंसकहरूले परिस्थिति वास्तवमै गाह्रो छ भन्ने बुझ्न पर्छ, विशेषगरी आर्थिक रूपमा स्पेनमा रियल म्याड्रिड र युरोपमा अन्यसँग प्रतिस्पर्धा गर्न गाह्रो छ’ उनले भनेका थिए, ‘यसको मतलब यो होइन कि हामी प्रतिस्पर्धा गर्न र ट्रफीको लागि लड्न चाहँदैनौं। यो समय बार्सिलोनाको लागि स्थिति हो। हामीलाई स्थिरता र समय चाहिन्छ।’
रियलले यस अवधिमा ला लिगाको उपाधि जितिसकेको छ। रियल च्याम्पियन्स लिगको फाइनलमा छ। रियलले पेरिस सेन्ट जर्मेनबाट फ्रान्सका स्ट्राइकर केलियन एमबाप्पेलाई अनुबन्ध गर्नेछ।
दुई खेल बाँकी रहँदा बार्सिलोना लिगमा रियल मड्रिडभन्दा १४ अंकले पछि छ ।
जाभीले नोभेम्बर २०२१ मा कतारी क्लब अल साद छोडेर आफ्नो जिम्मेवारी सम्हालेका थिए र २०२२-२३ मा आफ्नो पहिलो पूर्ण सिजनमा बार्सालाई स्पेनिस उपाधि दिलाएका थिए।
पिएसजीसँग पराजित भएपछि बार्सिलोना यस सिजन च्याम्पियन्स लिगको क्वार्टरफाइनलबाटै बाहिरिएको थियो।
