खेलकुद

साफ च्याम्पियनसिप फुटबल : भारतलाई हराउँदै बंगलादेश समूह विजेता

सेतोपाटी संवाददाता

सेतोपाटी संवाददाता

काठमाडौँ, ७ कात्तिक

राजधानीमा जारी साफ महिला च्याम्पियनसिप फुटबलमा भारतलाई पराजित गर्दै बंगलादेश प्रतियोगिताको सेमिफाइनलमा प्रवेश गरेको छ ।

त्रिपुरेश्वरस्थित दशरथ रङ्गशालामा आज भएको खेलमा भारतलाई ३–१ गोलअन्तरले पराजित गर्दै बंगलादेश समूह ‘ए’ को शीर्ष स्थानमा रहँदै प्रतियोगिताको सेमिफाइनलमा पुगेको हो । बंगलादेशले दुई खेलबाट चार अङ्क बटुल्दै समूह ए को शीर्षस्थानमा रहेको हो । समान खेलबाट तीन अङ्क जोडेको भारत पनि समूह ए को उपविजेता बन्दै सेमिफाइनमा पुग्यो ।

पाकिस्तान भने प्रतियोगिताबाट बाहिरिएको छ । बंगलादेशलाई १–१ गोलको बराबरीमा रोकेको पाकिस्तान भारतसँग भने ५–२ ले पराजित भएको थियो । आज बंगलादेशको जितमा तोहुरा खातुनले दुई तथा अफिदा खन्दाकेरले एक गोल गरिन् । पराजित भारतका लागि भने बाला देवीले एक गोल फर्काइन् खेलको १९औँ मिनेटमा बंगलादेशले सुरुआती अग्रता लियो । अफिदाले करिब सिक्स यार्डबाट प्रहार गरेको बलले जाली चुमेको थियो । त्यस्तै खेलको २९औँ मिनेटमा बंगलादेशले आफ्नो अग्रता दोब्बर पार्न सफल भयो ।

लामो पासमार्फत आएको बललाई गोल लाइन नजिकबाट तोहुराले गोल गर्दै टोलीको अग्रता दोब्बर बनाएकी हुन् । खेलको ४२औँ मिनेटमा तोहुराले व्यक्तिगत दोस्रो तथा टोलीका लागि तेस्रो गोल गरिन् । उनले सामसुनार जुनियरले मिलाइदिएको क्रसलाई सदुपयोग गर्दै गोल गरेकी हुन् । तोहुराले गोल गरको एक मिनेट पनि बित्दै नपाउँदै भारतकी बाला देवीले एक सान्त्वना गोल गरिन् ।

खेलको विभिन्न समयमा भारतले गोल फर्काउने प्रयास गरे तापनि सफल हुन सकेन । साफ च्याम्पियसिपअन्तर्गत भोलि समूह बी का दुई खेल हुनेछन् । पहिलो खेल दिउँसो १ः३० बजे भुटान र माल्दिभ्सबीच प्रतिस्पर्धा हुनेछ । त्यस्तै दोस्रो खेलमा साँझ ५ः३० बजे नेपाल र श्रीलङ्का आमनेसामने हुनेछन् ।

प्रकाशित मिति: बुधबार, कात्तिक ७, २०८१ २३:००

सिफारिस

जेनजी आन्दोलन भड्काएर हिंसात्मक बनाएको भनी आरोप खेपिरहेको 'टिओबी' समूह

जेनजी आन्दोलन भड्काएर हिंसात्मक बनाएको भनी आरोप खेपिरहेको 'टिओबी' समूह

२२२ अर्ब घाटामा एयर इन्डिया, टाटा समूहभित्रै बढ्यो तनाव

२२२ अर्ब घाटामा एयर इन्डिया, टाटा समूहभित्रै बढ्यो तनाव

घरमै थालिएको 'खजुरीको' यसरी बन्यो विदेशी बजारसम्म पुग्ने ब्रान्ड

घरमै थालिएको 'खजुरीको' यसरी बन्यो विदेशी बजारसम्म पुग्ने ब्रान्ड

क्यानडामा सिक्स–जी अनुसन्धान गरिरहेका इन्जिनियर जगदीश

क्यानडामा सिक्स–जी अनुसन्धान गरिरहेका इन्जिनियर जगदीश

यी हुन् एक्सपोमा देखिएका सबभन्दा महँगा ३ र सस्ता ३ कार, के छ विशेषता?

यी हुन् एक्सपोमा देखिएका सबभन्दा महँगा ३ र सस्ता ३ कार, के छ विशेषता?

७ सयभन्दा बढी सरकारी वेबसाइटमा देखिन थाल्यो मान्छेको सानो आकृति, के हो त्यो?

७ सयभन्दा बढी सरकारी वेबसाइटमा देखिन थाल्यो मान्छेको सानो आकृति, के हो त्यो?

विद्युतीय गाडी लिङसिस जी१००पी–आर कस्तो छ? (भिडिओ)

विद्युतीय गाडी लिङसिस जी१००पी–आर कस्तो छ? (भिडिओ)

समय नपुगी जन्मिएका शिशु बचाउने डाक्टर

समय नपुगी जन्मिएका शिशु बचाउने डाक्टर

११ वर्षपछि जब उनी केटी बनेर घर फर्किइन्

११ वर्षपछि जब उनी केटी बनेर घर फर्किइन्

सूचनापाटी

युनिकोडमा टाइप गर्नुहोस्

युनिकोडमा टाइप गर्नुहोस्

विनिमय दर

शेयर बजार

सुन चाँदि

रेडियो सुन्नुहोस्

रेडियो सुन्नुहोस्