इंग्लिस प्रिमियर लिगमा आर्सनल र न्युकासल युनाइटेडले जित निकालेका छन्।
बुधबार भएको खेलमा आर्सनलले टोटेनहमलाई २-१ गोलले पराजित गर्यो। उसका लागि ट्रोसार्डले ४४ मिनेटमा विजयी गोल गरे।
त्यसअघि सन मिनको गोलबाट टोटेनहमले २५ मिनेटमा अग्रता लिएको थियो। तर ४० मिनेटम सोलांकेले आत्मघाती गोल गर्दा खेल बराबरीमा आयो।
यता न्युकासलले वुल्भ्सलाई ३-० गोलले हराएको छ। एभर्टनमाथि एस्टन भिल्लाले १-० गोलको जित निकाल्दा क्रिस्टल प्यालेसले लेस्टर सिटीलाई २-० गोलले हरायो।
लिगको अंक तालिकामा आर्सनल २१ खेलबाट ४३ अंक जोड्दै दोस्रो स्थानमा छ। शीर्ष स्थानको लिभरपुलको २० खेलबाट ४७ अंक छ। चौथो स्थानमा रहेको न्युकासलको २१ खेलबाट ३८ अंक भएको छ।
