स्पेनिस कोपा रेल रे फुटबल प्रतियोगितामा बार्सिलोनाले सानदार जित निकालेको छ।
बुधबार भएको अन्तिम १६ को खेलमा बार्सिलोनाले रियल बेटिसलाई ५-१ गोलले हरायो। जितसँगै बार्सिलोना क्वार्टरफाइनलमा पुग्यो।
बार्सिलोनाका लागि गाभीले तेस्रो मिनेटमा पहिलो गोल गर्दा २७ मिनेटमा कोउन्डेले अग्रता दोब्बर पारे।
राफिन्हाले ५८ मिनेटमा तेस्रो तथा ६७ मिनेटमा फेरान टोरेसले चौथो गोल गर्न सफल भए।
लमिन यामलले ७५ मिनेटमा पाँचौ गोल गरेपछि बार्सिलोना आरामदायी जिततर्फ अघि बढ्यो।
रियल बेटिसका लागि भिक्टरले ८४ मिनेटमा पेनाल्टीबाट गोल गरे।
अर्को खेलमा एट्लेटिको म्याड्रिडले इल्चेलाई ४-० गोलले पराजित गरेको छ।
