नेपाल सुपर लिग (एनएसएल) फ्रेञ्चाइज फुटबल प्रतियोगिताको तेस्रो सिजनका लागि काठमाडौं रेजर्स एफसीले सिएरा लियोनका बुया टुरेलाई भित्र्याएको छ।
३० वर्षीय फरवार्डलाई टोलीमा भित्र्याएको काठमाडौंले बिहीबार सार्वजनिक गरेको हो।
उनलीसँग स्विडेन, चीन र अमेरिकाको शीर्ष लिग खेलेको अनुभव छ।
काठमाडौंमा भित्राउनुअघि उनले अमेरिकाको दोस्रो डिभिजनको लिग युएसएल च्याम्पियनसिप खेलिरहेका थिए।
उनी सन् २०१७ मा सिएरा लियोनको राष्ट्रिय टोलीको बन्द प्रशिक्षणको टोलीमा परेका थिए। उनले सन् २०१८ मा इथियोपियासँग खेल्दै राष्ट्रिय टोलीबाट डेब्यू गरेका थिए।
डेब्यू यता उनले देशका लागि १७ क्याप जित्दै ३ अन्तर्राष्ट्रिय गोल गरेका छन्।
उनी यसै साता नेपाल आइपुग्ने काठमाडौं रेजर्सको भनाइ छ। काठमाडौंमा भित्रिएसँगै उनले उत्साहित भएको बताउँदै यो सिजन उपाधि जित्नका लागि खेल्ने बताएको क्लबले जानकारी दिएको छ।
यो सिजनको एनएसएल चैत तेस्रो सातादेखि हुँदैछ।
-1746009348.jpg)
