नेपाल सुपर लिग (एनएसएल) का लागि ललितपुर सिटी एफसीले प्यालेस्टाइनी मिडफिल्डर जोनाथन कान्टीलानालाई भित्र्याएको छ।
क्लबले जोनाथन भित्रिएसँगै टोलीको मिडफिल्डर राम्रो हुने विश्वास व्यक्त गरेको छ।
चिलीमा जन्मिएर उतै हुर्किएका ३२ वर्षीय जोनाथनले अन्तर्राष्ट्रिय फुटबल भने प्यालेस्टाइनबाट खेल्नेछन्। उनको हजुरबुबा प्यालेस्टाइनी थिए।
पछिल्लो समय उनी माल्दिभ्सको शीर्ष डिभिजनको लिग खेल्छन्। त्यसअघि उनले २०१२ मा चिलीको क्लबबाट करिअर सुरु गरेका थिए।
सन् २०१६ मा मलेसियन क्लब क्वालालम्पुरबाट शीर्ष लिग खेलेका उनले इजिप्टको क्लबबाट समेत खेलेका छन्।
सन् २०१९ मा उनी इन्डोनेसियन क्लब पिएसआइएस सेमाराङमा आबद्ध भएका थिए।
प्यालेस्टाइनको राष्ट्रिय टोलीमा सन् २०१५ मा डेब्यू गरेका उनले ३४ क्याप जित्दै १० अन्तर्राष्ट्रिय गोल गरिसकेका छन्।
यो सिजनको एनएसएल चैत तेस्रो सातादेखि सुरु हुँदैछ।
-1746009348.jpg)
