नेपाली राष्ट्रिय फुटबल टोलीका मुख्य प्रशिक्षक म्याट रसले सिंगापुर विरुद्धको अन्तर्राष्ट्रिय मैत्रीपूर्ण खेल र मलेसिया विरुद्धको एएफसी एसियाली कप छनोट खेलका २३ सदस्यीय नेपाली टोली घोषणा गरेका छन्।
नेपालले मार्च २१ मा सिंगापुरमा सिंगापुरसँग खेल्नेछ। त्यसपछि मार्च २५ मा मलेसिया विरुद्धको छनोट खेल हुनेछ।
मलेसियासँगको खेल घरेलु मैदानमा हुनु पर्ने भए पनि दशरथ रंगशालाले अन्तर्राष्ट्रिय मान्यता नपाएपछि मलेसियामा हुन लागेको हो।
एएफसी एसियन कप २०२७ को छनोट चरणको अन्तिम चरणमा नेपाल समूह 'एफ' मा छ। नेपालको समूहमा भियतनाम, लाओस र मलेसिया छन्।
जसअन्तर्गत नेपालले मार्च २५ मा होम म्याच मलेसियासँग खेल्ने तय छ। तर नेपालको होम म्याच अहिले मलेसियामै हुने भएको छ। दशरथ रंगशालाले अन्तर्राष्ट्रिय मान्यता नपाएका कारण खेल मलेसियामा हुने भएको हो।
एसियन कप छनोटमा मार्चमा मलेसियासँग खेलेपछि नेपालले जुन १० मा लाओससँग अवे म्याच, अक्टोबर ९ मा भियतनामसँग अवे म्याच, अक्टोबर १४ भियतनामसँगै होम म्याच, नोभेम्बर १८ मा मलेसियासँग अवे म्याच र २०२६ मार्च ३१ मा लाओससँग होम म्याच खेल्ने तय छ। सन् २०२७ मा साउदी अरेबियामा हुने एसियन कपमा लागि समूह विजेता मात्र छनोट हुनेछ।
अन्तिम टोली
गोलकिपरः किरण चेम्जोङ, दीप कार्की, एन्जल श्रेष्ठ
डिफेन्डरः अनन्त तामाङ, विमल पाण्डे, सनिश श्रेष्ठ, रन्दिप पौडेल, सुमित श्रेष्ठ, अभिषेक लिम्बु, सुमन श्रेष्ठ
मिडफिल्डरः रोहित चन्द, लकेन लिम्बू, रोहन कार्की, मणी लामा, भरत खवास, एरिक विष्ट, मनिष डाँगी, कृतिश रत्न छुञ्जु, आयुष घलान
फरवार्डः जिलेस्पी जंग कार्की, अन्जन विष्ट, सुवास ठकुरी बम, रेजिन सुब्बा
-1746009348.jpg)
