रियल म्याड्रिड स्पेनिस कोपा डेल रेको फाइनलमा प्रवेश गरेको छ।
मंगलबार भएको सेमिफाइनलको दोस्रो लेगमा रियल सोसिडाडलाई समग्रमा ५-४ गोलले हराउँदै उपाधि नजिक पुगेको हो।
पहिलो लेगमा रियल म्याड्रिड १-० गोलले विजयी भएको थियो। तर दोस्रो लेगमा सोसिडाडले रियलसँग ४-४ गोलको बराबरी खेले पनि रियलले पहिलो लेगको फाइदा उठायो।
रियलका लागि एन्टोनियो रुडिगरले रियल सोसिडाड विरुद्ध अतिरिक्त समयमा विजयी गोल गर्दा रियल फाइनलमा पुगेको हो। यससँगै रियलले यो सिजन ट्रेबलको आशा जीवित राख्यो।
सब्स्टिच्युट खेलाडी रुडिगरले ११५ औं मिनेटमा अर्डा गुलरको कर्नरलाई हेडर गर्दै रियललाई फाइनल पुर्याए।
खेलमा सोसिडाडले १६ मिनेटमा एन्डरको गोलबाट अग्रता लियो। रियलका लागि एन्ड्रिकले ३०औं मिनेटमा बराबरी गोल गरे। ७२ मिनेटमा रियलका अलाबाले आत्मघाती गोल गर्दा सोसिडाडले फेरि अग्रता लियो।
८० मिनेटमा ओर्यजाबालले अर्को गोल गर्दा सोसिडाड ३-१ ले अघि रह्यो। तर बेलिङघमले ८२ र चुवामेनीले ८६ मिनेटमा गोल गर्दा खेल बराबरीमा आयो। तर इन्जुरी समयमा ओर्यजाबालले गोल गर्दा सोसिडाड ४-३ ले अघि रह्यो। यो अवस्थामा समग्रमा खेल ४-४ को हुँदा खेल एक्स्ट्रा समयमा गयो। जहाँ रुडिगरले निर्णायक गोल गरे।
फाइनलमा रियल म्याड्रिडसँग कसले खेल्ने भनेर निर्णय बुधबार राति हुनेछ। दोस्रो सेमिमफाइनलमा बार्सिलोना एट्लेटिको म्याड्रिडको भ्रमण गर्दैछ। बार्सिलोना र एट्लेटिकोले पहिलोमा लेगमा ४-४ को बराबरी खेलेका थिए।
