स्पेनिस कोपा डेल रेको उपाधिमा चिरप्रतिद्वन्द्वीद्वय बार्सिलोना र रियल म्याड्रिडबीच प्रतिस्पर्धा हुने भएको छ।
बुधबार भएको दोस्रो सेमिफाइनलमा बार्सिलोनाले एट्लेटको म्याड्रिडलाई समग्रमा ५-४ ले हराएर फाइनलमा रियलसँगको भेट पक्का गर्यो।
पहिलो लेग ४-४ गोलको बराबरीमा सकिएको थियो भने बुधबार भएको दोस्रो लेगमा बार्सिलोना १-० गोलको जित निकाल्यो।
बार्सिलोनाको जितमा फेरान टोरेशले २७ मिनेटमा गोल गरेका थिए।
यसअघि रियलले रियल सोडिडाडलाई हराएर फाइनलमा स्थान बनाएको थियो।
कोपा डेल रेको उपाधि भिडन्त अप्रिल २६ मा सेभियामा हुनेछ।
बार्सिलोना युरोपको शीर्ष पाँच लिगमा २०२५ मा नहारेको एक मात्र टोली हो र सम्भावित चार उपाधि जित्नेक बाटोमा छ।
यस सिजनमा स्पेनिस सुपर कप जितिसकेको बार्साले ला लिगाको अंक तालिकामा रियल म्याड्रिडभन्दा तीन अंकले अगाडि छ। बार्सिलोनाले च्याम्पियन्स लिगको क्वार्टरफाइनलमा जर्मन क्लब बोरिसिया डर्टमन्डसँग खेल्दैछ।
-1742801159.jpg)
