नेपाल सुपर लिग (एनएसएल) मा एफसी चितवन लगातार दोस्रो जित निकाल्दै अंक तालिकाको शीर्ष स्थानमा उक्लिएको छ।
चितवनले शुक्रबार दशरथ रंगशालामा भएको खेलमा बुटवल लुम्बिनी एफसीलाई १-० गोलले पराजित गरेको हो।
चितवनको जितमा टोरिक जब्रिन नायक सावित भए। उनले दोस्रो हाफको इन्जुरी समयको पहिलो मिनेटमा गोल गरेका थिए।
उनले डिबक्सबाहिरबाट हानेको सशक्त प्रहारले सिधा गोलपोस्टको दिशा लिएको थियो।
शीर्ष स्थानमा उक्लिएको चितवनले यसअघि पहिलो खेलमा पोखरा थन्डर्सलाई २-० गोलले हराएको थियो।
बुटवल लुम्बिनी भने तीन खेलसम्म पनि जितबिहीन छ। यसअघि लुम्बिनी झापा एफसीसँग गोलरहित बराबरी खेल्दा धनगढी एफसीसँग ४-१ गोलको हार ब्यहोरेको थियो।
-1742801159.jpg)
