अखिल नेपाल फुटबल संघ (एन्फा) ले ६ वटा ए डिभिजन क्लब र चार वटा एन्फा प्रेसिटेन्ड कप गरी कुल १० टोलीबीच आयोजना गर्न लागेको राष्ट्रिय लिग फेरि सारेको छ।
यसअघि पुस ६ गते गर्ने भनिएको लिग अब २५ गतेदेखि गर्ने एन्फाको कार्यससमितिको आपतकालि बैठकले गरेको हो।
आज एन्फा कम्प्लेक्समा बसेको बैठकले राष्ट्रिय लिग सकिएको एक महिनापछि सहिद स्मारक ए डिभिजन लिग गर्ने पनि निर्णय गरेको छ।
यद्यपी नेपाल फुटबल खेलाडी संघले भने पहिला ए डिभिजन लिग गर्नु पर्ने भन्दै आन्दोलन गर्दै आएको छ। ए डिभिजन लिग नभएको अवस्थामा आन्दोलनका कार्यक्रम यथावत रहेको खेलाडी संघको भनाइ छ।
यस्ता छन् एन्फाका निर्णय
अखिल नेपाल फुटबल संघको कार्यसमितिको आपतकालिन बैठक एन्फा अध्यक्ष पंकज विक्रम नेम्वाङ्गज्यूको अध्यक्षतामा मिति २०८२ मंसिर १५ गते एन्फा कम्प्लेक्स सातदोबाटोमा सम्पन्न भयो। सो बैठकमा निम्न निर्णयहरु पारित गरियो ।
१. FIFA Forward कार्यक्रम अन्तंगत धुलिखेल, धनगढीमा नयाँ कृक्रिम घाँसे मैदान निर्माण गर्न र एन्फा कम्प्लेक्स सातदोबाटोको कृत्रिम घाँसे मैदान परिवर्तन गर्न FIFA बाट छनौट भएकामध्ये Edel Grass लाई छनौट गर्न FIFA लाई प्रस्ताव गर्ने निर्णय गरियो ।
२. AFC इक्वेल पिच कार्यक्रम अन्तंगत दशरथ रंगशालामा हाइब्रिड घाँसे मैदान राख्न प्रस्ताव पेश गर्ने निर्णय गरियो ।
३. AFC को इन्यान्स कार्यक्रम अन्र्तगत सिन्धुपाल्चोकको खेलाडी ड्रेसिङ्ग रुम, ट्वाइलेट, अफिस सहित माथि प्यारापिट निर्माण गर्न जगदम्बा मोक्तान जेभीलाई रु १,२६,४८,८१५ मा प्रदान गर्ने निर्णय गरियो ।
४. यहि २०८२ पौष २५ गतेबाट राष्ट्रिय लिग आयोजना गर्ने र सो प्रतियोगिताकालागि संघको विधान अनुसारका क्लबहरुका साथै इच्छुक सबै ए डिभिजन क्लवहरुलाई टिम दर्ता गर्न खुला गर्ने निर्णय गरियो । प्रतियोगिता सम्पन्न भएको एक महिना भित्र ए डिभिजन लिग आयोजना गर्ने र राष्ट्रिय लिगको आगामी एक वर्ष र शहिद स्मारक ए डिभिजन लिगको आगामी पाँच वर्षको लागि मार्केटिङ्ग, टिकेटिङ्ग, ब्रोडकास्टिङ, डिजिटल अधिकारको बोलपत्र आह्वान गर्ने निर्णय गरियो। बोलपत्रको लागि राष्ट्रिय लिगको सातदिने र शहिद स्मारक ए डिभिजन लिगको लागि १५ दिने सुचना जारी गर्ने निर्णय गरियो ।
५. नेपाली राष्ट्रिय फुटबल टोलीहरुले प्रयोग गर्ने पोशाक तथा खेल सामाग्रहीहरु खरिदको सम्झौता सम्बन्धित कम्पनीसँग एक वर्षको लागि अक्टोबर २१, २०२६ सम्म नविकरण गरि अर्को वर्षबाट एक वर्षको लागि बोलपत्र आह्वान गर्ने निर्णय गरियो ।
६. FIFA+ को OTT Platform मा संघले तोकेको राष्ट्रिय तथा अन्तराष्ट्रिय फुटबल प्रतियोगिताहरु प्रशारण गर्न फिफासँग सम्झौता गर्ने निर्णय गरियो ।
७. फिफाको CAO मा संशोधन गरि शहिद स्मारक ए डिभिजन लिगलाई समावेश गर्ने निर्णय गरियो।
८. AFC को इन्ट्यान्स कार्यक्रम अन्र्तगत एउटा सटल बस र लगेज भ्यान खरिद गर्ने निर्णय गरियो ।
९. साफ महिला यु-१९ प्रतियोगिता यहि फागुन महिनामा पोखरामा आयोजना गर्ने निर्णय गरियो ।
१०. महिला फ्रेन्चाईज प्रतियोगिता आयोजना गर्ने निर्णय गरियो ।
११. राष्ट्रिय महिला नकआउट प्रतियोगिता उदयपुर जिल्लामा संचालन गर्ने निर्णय गरियो। शहिद स्मारक राष्ट्रिय महिला लिगका लागि झापा, मोरङ्ग, मकवानपुर र सुनसरी जिल्लासँग समन्वय गरि स्थान तोक्ने निर्णय गरियो ।
१२. थाइल्याकण्डमा आगामी जनवरीमा आयोजना हुने साफ महिला तथा पुरुष फुटसल प्रतियोगिताको लागि अनुमानित बजेट रु १,४५,१२,६९० (प्रत्येक टिमलाई रु ७२,५६,३४५) अनुमोदन गर्ने निर्णय गरियो ।