साफ महिला क्लब फुटबल च्याम्पियनसिपको फाइनल भिडन्त अघि नेपालको लिग च्याम्पियन सशस्त्र प्रहरी बलको नेपाल एपिएफ क्लब र भारतको इस्ट बङ्गाल ले बराबरी खेलेका छन्।
दुवै टिम यसअघि नै फाइनल पुगिसकेका थिए। त्यसैले आजको खेल दुबैका लागि एक अर्कालाई बुझ्ने मौका थियो।
बुधबार त्रिपुरेश्वरस्थित दशरथ रङ्गशालामा भएको खेल गोल रहित बराबरीमा सकिएको हो।
यस अघि एपिएफले तीनमध्ये दुई खेलमा जित र एक खेलमा बराबरी खेल्दै फाइनलमा स्थान पक्का गरेको थियो। इस्ट बङ्गालले भने तीनै खेलमा जित निकालेको थियो।
एपिएफले तेस्रो खेलमा पाकिस्तानको कराँची सिटी एफसीमाथि १-० गोलको जित दर्ता गरेको थियो।
एपिएफले पहिलो खेलमा बंगलादेशको नसरिन स्पोर्ट्स एकेडेमीलाई ४-० गोलले हराएको थियो।
दोस्रो खेलमा भने एपिएफ भुटानको ट्रान्सपोर्ट युनाइटेडसँग गोलरहित बराबरीमा रोकिएको थियो।
फाइनल शनिबार साँझ ६ बजे एपिएफ र इस्ट बङ्गालबीच हुनेछ।
-1746009348.jpg)
