अखिल नेपाल फुटबल संघ (एन्फा) का उपाध्यक्ष विराटजंग शाही र केन्द्रीय सदस्य रुपेश अधिकारीले आगामी माघ २८ मा घोषणा गरिएको एन्फाको निर्वाचन रोक्न माग गर्दै राष्ट्रिय खेलकुद परिषदमा निवदेन दिएका छन्।
परिषदका सदस्यसचिव रामचरित्र मेहतालाई सम्बोधन गर्दै लेखिएको पत्रमा सुरुमा गर्ने साधारणसभा र त्यसपछि हुने निर्वाचन विधान विपरित भएकाले निर्वाचन प्रक्रिया रोक्न गर्न अनुरोध गरिएको छ।
माघ २८ गते झापामा गर्न लागिएको निर्वाचन अहिलेको कार्यसमितिको कार्यकाल सकिनु चार महिनाभन्दा बढी समय अगावै हो।
निर्वाचनका लागि शक्तिको दुरुपयोग गरिएको र विधानको अपब्याख्या गरिएको पनि उनीहरुको दाबी छ।
एन्फाले जिल्ला र प्रदेश निर्वाचन नगरी केन्द्रीय समितिको निर्वाचन गर्न लागिएकोमा उनीहरूको आपत्ति छ।
साथै यसअघि सर्वोच्न अदालतको नजिर उनीहरुले प्रस्तुत गरेका छन्। यसअघि सर्वोच्चले कार्यकाल समाप्त नभइ निर्वाचन गर्न नमिल्ने भन्दै दिएको आदेश उनीहरुले स्मरण गराएका छन्।
-1746009348.jpg)
