अखिल नेपाल फुटबल संघ (एन्फा) को माघ २८ का लागि तोकिएको केन्द्रीय कार्यसमितिको निर्वाचनका लागि मनोनयन दर्ता सकिएको छ। शनिबार मनोनयन दर्ता सकिदा २१ सदस्यीय कार्यसमितिका लागि ४७ जनाको उम्मेदवारी परेको छ। यद्यपी एन्फाको निर्वाचन समितिले माघ ७ गते मात्र उम्मेदवारको अन्तिम सूची प्रकाशन गर्नेछ।
जसमा अध्यक्ष पदमा हालका अध्यक्ष पंकजविक्रङ नेम्बाङ र उपाध्यक्ष दीर्घबहादुर केसी (कुमार) को उम्मेदवारी परेको छ। एक जना वरिष्ठ उपाध्यक्षका लागि हालका उपाध्यक्षद्वय दावा लामा र दीपक खतिवडा तथा साफका उपाध्यक्ष सुन्दर नरसिंह केसीले उम्मेदवारी दिएका छन्।
उपाध्यक्षमा चार जना निर्वाचित हुनेछन्। जसमा दश जनाले प्रतिस्पर्धा गर्ने भएका छन्। उपाध्यक्षमा मनिष जोशी, विकासनारायण श्रेष्ठ, अनिल मल्ल, अनिल श्रेष्ठ, विश्वासविक्रम शाह, महेन्द्र क्षेत्री, पेमा डोल्मा लामा, उत्तम भण्डारी, विजय घले र गणेश बहादुर चन्दले उम्मेदवारी दिएका हुन्।
खुला केन्द्रीय सदस्यमा १४ पदका लागि ३० जनाले उम्मेदवारी दिँदा एक जना महिला सदस्यका लागि सरिला श्रेष्ठ र बिन्द्रा देवानबीच प्रतिस्पर्धा हुनेछ।
यसमा पंकज र कुमारले प्यानल बनाए पनि उनीहरुले आफ्ना आधिकारीक उम्मेदवार भनेर सार्वजनिक भने गरेका छैनन्।
यद्यपी यो निर्वाचनको विषयमा भने अन्योलता कायमै छ।
यसअघि नेपाली खेलकुदको नियमक निकाय राष्ट्रिय खेलकुद परिषदले विधान संशोधन गर्दै जिल्लादेखिकै निर्वाचन गर्न निर्देशन दिएको थियो। यस्तै उच्च अदालत पाटनले पनि तत्काल निर्वाचन प्रक्रिया रोक्न भनेको थियो। पूर्वअध्यक्ष कर्माछिरिङ शेर्पासहित उपाध्यक्ष विराटजंग शाही र सदस्य रुपेश अधिकारीले कार्यकाल सकिनु चार महिनाअघि तथा जिल्ला संघको निर्वाचन नगरी अघि बढ्नु अवैधानिक भन्दै विरोध गरिरहेका छन।
तर पनि एन्फामा आबद्ध सबै १०६ सदस्यले निर्वाचनका लागि प्रतिनिधि पठाएका छन्। पूर्वअध्यक्ष शेर्पाको क्लब हिमालयन शेर्पाले पनि प्रतिनिधि पठाएको एन्फा स्रोतको दाबी छ।
यो विषयमा एसियाली फुटबल संघले एन्फालाई अघि बढ्न "ग्रिन सिंग्लन" दिए पनि फिफाले भने अदातलले माघ ६ गतेका लागि बोलाएको छलफलपछि के गर्ने भन्ने विषयमा निर्क्यौल गर्ने बताइएको छ।
क-कसले दिए उम्मेदवारी?
अध्यक्ष: दुई जना
पंकजबिक्रम नेम्बाङ, दीर्घबहादुर केसी (कुमार)
वरिष्ठ उपाध्यक्ष: तीन जना (एक जना निर्वाचित हुने)
दावा लामा, दीपक खतिवडा, सुन्दर नरसिंह जोशी
उपाध्यक्ष: १० जना (चार जना निर्वाचित हुने)
मनिष जोशी, विकासनारायण श्रेष्ठ, अनिल मल्ल, अनिल श्रेष्ठ, विश्वासविक्रम शाह, महेन्द्र क्षेत्री, पेमा डोल्मा लामा, उत्तम भण्डारी, विजय घले, गणेश बहादुर चन्द
केन्द्रीय सदस्य: ३० जना (१४ जना निर्वाचित हुने)
कपिल राना मगर, देवेन्द्र मानसिंड, सत्यभक्त पालिखे, अजित राज राजाभन्डारी, राजुमान डंगोल, राजकुमार परियार, सन्जिव बुढाथोकी, लोकेन्द्र गुरुङ, जय कृष्ण श्रेष्ठ, सागर मैनाली, निरजबहादुर राउत क्षेत्री, सन्जित धिताल, नेपाल कार्की, टिकाराम लामा, प्रमोद कुमार मानन्धर, प्रवीन कुमार यादव, भगवान बहादुर दर्लामी, पुरुषोत्तम थापा, भरत बुढ थापा, दिपेन्द्र धिमाल, भोजराज शाही, मणिराज विष्ठ, प्रविण सुवाल, बाबुकाजी बस्नेत, विनोद गुरुङ, ध्रुव पोखेल, कल्याण कुमार खड्का, केशव कुमार कार्की, ठाकुर बहादुर सुस्लिङ, देव नारायण चित्रकार, रमेश व्याजन्कार
महिला केन्द्रीय सदस्य: दुई जना (एक जना निर्वाचित हुने)
विन्द्रा देवान, सरिला श्रेष्ठ
-1746009348.jpg)
