अखिल नेपाल फुटबल संघ (एन्फा) का पूर्वअध्यक्ष गणेश थापाले आसन्त एन्फा कार्यसमितिको निर्वाचनमा विधि-विधान र प्रजातान्त्रिक पराम्परा विपरित काम गरेको आरोप लगाएका छन्।
सोमबार पत्रकार सम्मेलन गर्दै एन्फाले जिल्ला निर्वाचन नगरी प्रजातान्तिक पराम्परा विपरित काम गरेको र साधारण सभाको विषयमा एन्फाको विधान मिचेको पनि आरोप लगाए।
‘एन्फा विधानको धारा ३० मा साधारणसभा वर्षको एक पटक हुनुपर्छ भनेको छ । यो वर्ष बैशाखमा साधारणसभा भइसक्यो फेरि माघमा हुँदा विधान मिचिएन? धारा ३१ को 'त. लाई टेकेर अली इलेक्सन भनिएको छ । विधानमा त्यो व्यवस्था कुनै भवितप्य वा अन्य कारणले कुनै पद खाली भएमा त्यसको पदपूर्तिका लागि गरिने निर्वाचनको लागि गरिएको प्रष्ट छ । त्यति प्रष्ट कुराको गलत व्याख्या गरेर निर्वाचन घोषणा गर्न कसरी मिल्छ ? भन्ने मेरो फिफालाई पनि प्रश्न हो,’ उनको भनाइ छ।
एन्फाले आगामी माघ २८ गते झापामा कार्यसमितिको निर्वाचन गर्दैछ। तर राष्ट्रिय खेलकुद परिषदले स्विकृति दिएको छैन भने विधान संशोधन गरेर मात्र निर्वाचन गर्न निर्देशन दिएको छ। यस्तै उच्च अदालत पाटनले निर्वाचन प्रक्रिया रोक्न अन्तरिम आदेश दिएको छ। तर पनि एन्फाले निर्वाचन प्रक्रिया अघि बढाएको अवस्था छ।
उनले फिफालाई गतल व्याख्य गरेको भन्दै सरकारले दिएको निर्देशन र अदालतले दिएको आदेशले कुनै हस्तक्षेप नभएको पति बताए।
‘एन्फाले जबरजस्ती गर्न खोजेको अवैधानिक अर्ली इलेक्सनको विषयमा हिजो पनि अदालतले अर्को आदेश दियो। यो देशको कानून मान्ने नागरिकको हिसावमा हामीले त्यसलाई स्वीकार गर्यो । एन्फाले यसलाई तेस्रो पक्षको हस्तक्षेप भयो भनेर फिफालाई उकासेर आफ्नो अभिष्ट पूरा गर्न खोजेको देखिन्छ । तर म यसमा तेस्रो पक्षको कुनै पनि हस्तक्षेप देख्दिन । किनकी अदालतले निर्वाचन नगर भनेको छैन। सरकारले पनि निर्वाचन नगर भनेको होइन । मुद्धा हाल्नेले पनि निर्वाचन गर्नु हुन्न भनेका छैनन् । यहाँ त सबैले जबरजस्ती गर्न खोजिएको यो निर्वाचनमा प्रक्रिया पुगेको छैन त्यसलाई पुर्याएर गर मात्र भनेको हो । पहिला जिल्लाको गर अनि त्यहाँबाट चुनिएका प्रतिनिधि सामेल गरेर केन्द्रको निर्वाचन गर मात्र भनेको हो । एन्फाले आफ्नै विधानअनुसार सबै प्रक्रिया पुर्याएर चुनाव गर्न खोजेको र त्यसमा सरकार वा अर्को कुनै पक्षले हस्तक्षेप गरेको भए सबभन्दा पहिला म आफै त्यसको विरुद्धमा आवाज उठाउथे । त्यसका लागि एन्फाका अध्यक्ष र महासचिव ज्यूले फिफाको पत्र ल्याएर धम्की दिनै पर्ने थिएन,’ उनको भनाइ छ।
-1746009348.jpg)
