युरोपेली च्याम्पियन्स लिगमा पेरिस सेन्ट जर्मेन (पिएसजी)ले चेल्सीलाई पराजित गरेको छ।
अन्तिम १६ को पहिलो लेग अन्तर्गत बिहीबार बिहान पार्क देस प्रिन्सेसमा भएको खेलमा पिएसजीले चेल्सीलाई ५-२ गोल अन्तरले पराजित गरेको हो।
घरेलु मैदानमा भएको खेलमा पिएसजीले सुरुदेखि नै आक्रामक प्रदर्शन गरेको थियो।
खेलको १०औँ मिनेटमा ब्राड्ली बारकोलाले गोल गर्दै टोलीलाई सुरुवाती अग्रता दिलाए।
चेल्सीका लागि २८औँ मिनेटमा मालो गुस्टोले गोल गर्दै खेल बराबरीमा ल्याएका थिए।
त्यसपछि ४०औँ मिनेटमा उस्मान डेम्बेलेले अर्को गोल थप्दै पहिलो हाफमा पिएसजीलाई २–१ को अवस्थामा पुर्याए।
तर दोस्रो हाफ सुरु भएपछि पनि पिएसजीको दबाब कायम रह्यो।
५७औँ मिनेटमा एन्जो फर्नान्डेजले गोल गर्दै चेल्सीलाई फेरि खेलमा फर्काउने प्रयास गरे। तर त्यसपछि पिएसजीले लगातार गोल गर्दै खेल आफ्नो नियन्त्रणमा लियो। ७४औँ मिनेटमा भिटिन्हाले गोल गरेपछि घरेलु टोलीले पुनः अग्रता लियो।
खेलको अन्त्यतिर ख्विचा क्वारात्स्खेलियाले ८६औँ मिनेट र इन्जुरी समयमा थप दुई गोल गर्दै पिएसजीको जितलाई फराकिलो बनाए।
यस जितसँगै पिएसजीले दुई लेगको समग्र प्रतिस्पर्धामा महत्वपूर्ण अग्रता बनाएको छ।
अब दोस्रो लेग चेल्सीको मैदानमा हुने छ। जहाँ क्वार्टरफाइनलमा स्थान बनाउन चेल्सीलाई ठूलो अन्तरको जित आवश्यक पर्नेछ।
-1746009348.jpg)
