बलिउड अभिनेता कार्तिक आर्यनको मुख्य भूमिका रहने फिल्म 'भूल भुलैया ३' चर्चामा छ।
यो फिल्म स्टार कास्टको कारण चर्चामा आएको हो। फिल्ममा तृप्ति डिमरी र विद्या बालनको अभिनय रहने पक्का भइसकेको छ। यसैबीच कमेडियन अभिनेता अनुबन्धित भएको खबर बाहिरिएको छ।
भारतीय सञ्चारमाध्यम टेलिचक्करका अनुसार फिल्ममा विजय राज अनुबन्धित भएका हुन्। उनी कस्तो भूमिकामा देखिँदैछन् भने खुलाइएको छैन।
फिल्मलाई अनीस बज्मीले निर्देशन गर्न लागेका हुन्।
विजय पछिल्लो समय फिल्म 'कर्तम भुगतम' मा देखिएका थिए। उनले 'डेली बेली, धमाल, रन, गंगुबाई काठियावाडी, ड्रिम गर्ल २' जस्ता फिल्ममा अभिनय गरेका छन्।
