बलिउड अभिनेता सोनू सूदले नयाँ घर किनेका छन्।
उनले जुहूमा नयाँ घर किनेका हुन्। नयाँ घरमा सरेपछि उनी शक्ति कपूर, गोविन्दा, विवेक ओबेराय जस्ता कलाकारको छिमेकी बनेका छन्।
यो घर उनले दुई वर्षअघि नै लिने निर्णय गरेका थिए। इन्टिरियर डिजाइनिङको काम चलिरहेको हुँदा उनी दुई वर्षपछि उक्त घरमा सरेका हुन्।
सोनूको नयाँ घर समुन्द्रको किनारमा छ। यसमा एक ठूलो जिम र पुस्तकालय पनि छ।
सोनू आफ्नो परिवारको साथमा नयाँ घरमा सर्न उत्साहित थिए। यसअघि उनी मिल्लत नगरको ओकल्याण्ड पार्कमा बसिरहेका थिए।
सोनूले 'युवा, आशिक बनाया आपने, अशोक, जोधा अकबर, शुटआउट एट वडाला, आर राकुमार, दबंग, ह्यापी न्यू इयर, सिम्बा र कुरूश्रेत्र' जस्ता फिल्ममा काम गरेका छन्।
२०२२ मा उनले रियालिटी शो 'रोडिज सिजन १८' होस्ट गरेका थिए।
