दक्षिण भारतीय फिल्मका निर्देशक एसएस राजामौलीले १८ वर्षअघि एक विवादित बयान दिएका थिए।
उक्त बयानलाई लिएर उनी बेला-बेलामा चर्चामा आइरहन्छन्। उनले भनेका थिए, 'जब धूम २ हिन्दीमा रिलिज भयो। मलाई दुःख लाग्यो कि बलिउडमा किन राम्रो क्वालिटी छैन। हामीसँग ऋतिक रोशन जस्तो हीरो किन छ? बिल्लाको गीत, पोस्टर र ट्रेलर हेरेपछि म भन्न चाहन्छु कि प्रभासको तुलनामा ऋतिक रोशन केही होइन। तेलुगू फिल्म बलिउड भन्दा निकै अगाडि र हामी अंग्रेजी फिल्मको बराबरमा छौं।'
उनले यो बयान सन् २००७ मा प्रभासको फिल्म 'बिल्ला' को प्रमोशनको क्रममा दिएका थिए।
उनले यो भनाइलाई लिएर आफ्नो अवधारणा समेत राखिसकेका छन्। उनले भनेका छन्, 'यो धेरै अगाडिको कुरा हो। त्यतिबेला मेरो शब्द चयन राम्रो भएन। मैले उनलाई हेप्ने हिसाबले भनेको होइन। म उनको धेरै सम्मान गर्छु।'
