गैरआवासीय नेपाली संघ (एनआरएनए) अष्ट्रेलियाको २०२५–२०२७ को नयाँ कार्यकालका लागि सन्जिब ढकाल 'गोर्खाली' ले अध्यक्ष पदमा आफ्नो उम्मेदवारी घोषणा गरेका छन्।
ढकालले सामाजिक सञ्जालमार्फत उम्मेदवारी सार्वजनिक गर्दै यो अभियान केबल नेतृत्वको लागि नभई, स्पष्ट कार्यदिशा, जवाफदेहिता र सहभागितामूलक समुदाय निर्माणको लागि भएको उल्लेख गरका हुन्।
ढकालले स्वतन्त्र च्यारिटेबल संस्था रूपमा संस्थागत सबै विद्यार्थीलाई पुनः सहायक सदस्यका रूपमा समावेश गर्ने र नेपालसँग नाता राख्ने वा नेपाली मूल भएका सबैलाई सदस्य बनाउने व्यवस्था गर्ने उल्लेख गरेका छन्।
'हामी वाचा मात्रै गर्दैनौं, काम गरेर देखाउँछौं,' ढकालले भने, 'छिट्टै विस्तृत एजेन्डा र सेवा कार्य योजनासहित पुनः उपस्थित हुनेछु।'
ढकाल हाल नर्दन टेरिटोरी एनआरएनका संयोजक तथा एनआरएनए अस्ट्रेलियाको उपाध्यक्ष हुन्। अस्ट्रेलिया एनआरएनएको आगामी २६ जुलाइमा निर्वाचन हुँदैछ।
-1746009348.jpg)
