राष्ट्रिय स्वतन्त्र पार्टी (रास्वपा) निकट प्रवास नेपाली सम्पर्क विभाग मलेसियाको दोस्रो अधिवेशनले नेत्र केसीको नेतृत्वमा नयाँ कार्यसमिति सर्वसम्मत चयन गरेको छ।
अधिवेशनबाट नेत्र केसी सभापति, किरण थापा उपसभापति, बाशुदेब भट्ट सचिव, हेमराज सापकोटा सहसचिव, खेमराज खत्री कोष प्रमुख तथा कुलबहादुर कोइराला सह–कोष प्रमुखमा निर्वाचित भएका छन्।
सदस्यहरूमा कपिल बोहरा, उमेश कोइरी महतो, कमल चन्द, प्रकाश गिरि, राज लामा, सन्तोष केसी, लिला मगर, कैलाश बिष्ट, श्याम तामाङ, नकुल ढुंगाना, प्रमोद महतो, रूपेश विक, ईश्वर आले, जयप्रकाश शाह, प्रदीपकुमार शाहा, विनय हमाल, सागर केसी, टेक थापा, चन्द्रमान श्रेष्ठ, कमलबहादुर बिष्ट, प्रकाश पुजारा, मिना बुढा, दिनेश दास, जिबराज भुषाल, चन्द्र घिमिरे, हरिनाथ मोहन्त, संजय नेघा, ताराध्वज शाही, महेश अधिकारी, धुर्वनारायण शर्मा, बाबुराम थापा, प्रकाश पौडेल, तिपेन्द्र बुढा मगर तथा रूद्र श्रेष्ठ निर्वाचित भएका छन्।
यस्तै दीपक बोगटी, नारायण अधिकारी, विनोद यादव, राजु शर्मा, शिव थापा, मिलन ठकुरी, टंक खड्का, सुन्दर आले मगर तथा शिव खड्कालाई सल्लाहकारमा मनोनयन गरिएको छ।
नवनिर्वाचित सभापति नेत्र केसीले प्रवासमा रहेका नेपालीहरूको समस्या, पीडा र आवश्यकतालाई नजिकबाट अनुभूति गर्दै संगठन निर्माणको अभियानमा जोडिएको बताए। उनले नयाँ कार्यसमितिले श्रमिक अधिकार, कानुनी सहायता, सामाजिक सुरक्षा, आपत्कालीन उद्धार, नेपाली समुदायबीचको एकता तथा संस्थागत सुदृढीकरणलाई प्राथमिकतामा राखेर काम गर्ने प्रतिबद्धता व्यक्त गरे।
‘प्रवासी नेपालीहरू केवल रेमिट्यान्सको स्रोत मात्र होइनन्, उनीहरू राष्ट्र निर्माणका महत्त्वपूर्ण साझेदार हुन्,’ केसीले भने, ‘उनीहरूको सम्मान, सुरक्षा र अधिकार सुनिश्चित गर्नु राज्य र समाज दुवैको दायित्व हो। त्यसका लागि संगठित पहल अपरिहार्य छ।’
कार्यक्रमलाई सम्बोधन गर्दै रास्वपा प्रवास विभागका सचिव पदमराज पन्थीले विदेशमा रहेका नेपालीहरूको समस्या समाधान, श्रम अधिकारको संरक्षण तथा सम्मानजनक जीवनयापनको सुनिश्चितताका लागि पार्टी निरन्तर सक्रिय रहने बताए। उनले प्रवासी नेपालीहरूलाई राष्ट्र निर्माणको महत्त्वपूर्ण शक्ति भन्दै उनीहरूका आवाजलाई नीतिगत तहसम्म पुर्याउने प्रतिबद्धता व्यक्त गरे।
रास्वपाका नेता प्रमोद न्यौपानेले प्रवासमा रहेका नेपालीहरूको राजनीतिक र सामाजिक जागरणलाई थप सशक्त बनाउनुपर्ने आवश्यकता औंल्याए।
एनआरएनए आईसीसीका उपाध्यक्ष खगेन्द्र न्यौपानेले विश्वभर रहेका नेपालीहरूबीच सहकार्य, समन्वय र एकताको भावना बलियो बनाउनुपर्ने बताए।
एनआरएनए मलेसियाका अध्यक्ष इन्द्रनारायण लिम्बूले प्रवासी नेपालीका साझा मुद्दामा सबै संघ–संस्था एकताबद्ध भएर अघि बढ्नुपर्ने आवश्यकता औंल्याए।
कार्यवाहक राजदूत मुदिता बज्राचार्यले नेपाली दूतावास मलेसियामा रहेका सम्पूर्ण नेपाली संघ–संस्थासँग सहकार्य गर्दै सेवा प्रवाहलाई थप प्रभावकारी बनाउने प्रतिबद्धता व्यक्त गरिन्। उनले नेपाली नागरिकका समस्या समाधान, उद्धार, कानुनी परामर्श तथा दूतावासीय सेवाको पहुँच विस्तारका लागि दूतावास निरन्तर क्रियाशील रहेको जानकारी दिइन्।
