भारतीय टेनिस खेलाडी सानिया मिर्जा र पाकिस्तानी क्रिकेट खेलाडी शोएब मलिकको सम्बन्धविच्देछको खबर फैलिरहेको छ।
यहाँसम्म कि शोएब पाकिस्तानी अभिनेत्री आयशा ओमरसँग डेट गरिरहेको खबर बाहिरिएको छ। उनीहरूको सम्बन्ध चिसिएको खबर पाकिस्तानी सञ्चार माध्यमलले सार्वजनिक गरेको हो।
सानियाले दुबई घर छोडेर अलग बस्न थालेको बताइएको छ। यसबारे दुवै जनाले केही बोलेका छैनन्।
यसैबीच उनीहरूको नयाँ शोको घोषणा भएको छ। भारतीय सञ्चार माध्यम दैनिक भाष्करका अनुसार उनीहरूले ‘द मिर्जा मलिक शो’ होस्ट गर्ने भएका छन्।
यो एक रियालिटी शो हो जुन पाकिस्तानी च्यानल उर्दूफ्लिक्समा प्रसारण हुनेछ।
च्यानलले आफ्नो इन्स्टाग्राम पेजमा सानिया मिर्जा र शोएब मलिक रहेको टक शोको पोस्टर सार्वजनिक गरेको छ।
‘मिर्जा मलिक शो चाँडै उर्दूफ्लिक्समा आउँदैछ,’ पोस्टर सार्वजनिक गर्दै लेखिएको छ। तर यस शाेकाे बारेमा पनि सानिया र शाेएबले केही प्रतिक्रिया दिएका छैनन्।
सानिया र शोएबको एक छोरा छन्। ६ महिना डेट गरेपछि उनीहरूले सन् २०१० मा विवाह गरेका थिए।
सानिया र शोएबको विवाह हुँदा निकै चर्चा भएको थियो। उनीहरूको विवाहलाई दुई देशबीच सम्बन्धको रुपमा हेरिएको थियो। विवाहको १२ वर्षपछि सम्बन्धविच्छेदको खबर बाहिरिँदा प्रशंसकहरू दुःखी भएका छन्।
प्रकाशित मिति: सोमबार, कात्तिक २८, २०७९, ०१:३७:५०
