बर्जर पेन्ट्स नेपालले कम्पनीको “सम्बन्ध” योजनामा आबद्ध पेन्ट ठेकेदार र पेन्टरमा पर्न गएको असरलाई न्यूनीकरण गर्न सहयोग गर्ने भएको छ।
बर्जर नेपालले योजनामा उल्लेखित जिन्सी पुरस्कारको सट्टा आबद्ध पेन्टरहरुको बैंक खातामा सिधै रकम जम्मा गरेर सहयोग गर्ने भएको हो।
वित्तीय सहायताले पेन्टर समाजलाई उनीहरुको घरायसी खर्चहरुको आर्थिक व्यवस्थापन गर्नमा मद्दत पुग्ने विश्वास लिइएको छ।
बर्जर पेन्ट्स नेपालले यो पहल अन्तर्गत १२ सय भन्दा बढी पेन्टरहरुलाई रकम प्रदान गर्ने लक्ष्य लिएकोे छ।
पहिलो चरणमा हालसम्म ३ सय भन्दा बढी पेन्टरहरु लाभान्वित भइसकेको बताइएको छ।
उनीहरुको बैक खातामा ३ करोड २५ लाख रुपैयाँ उपलब्ध गराइसकेको पनि जानकारी दिइएको छ।