धितोपत्र बोर्डले यसअघि आशय पत्र दिइएका ४३ मध्ये ७ वटालाई सञ्चालनको लागि अनुमति दिएको छ।
बोर्डका अनुसार भोले गणेश सेक्युरिटिज, क्यापिटल म्याक्स सेक्युरिटिज, हिमालयन ब्रोकेज कम्पनी, सन सेक्युरिटिज, मियो सेक्युरिटिज, सेयरप्रो सेक्युरिटिज र प्रोपर्टी विजार्डलाई अनुमति दिएको हो।
हाल नेपालमा ५० वटा ब्रोकर कम्पनी सञ्चालनमा छन्। यो सँगै ब्रोकर कम्पनीको संख्या ५७ पुगेको छ। थप ३६ कम्पनीले यसअघि आशय पत्र पाएका छन्।
आशय पत्र पाएको ६ महिनाभित्रमा पूर्वाधार तयारी गरी धितोपत्र बोर्डलाई जानकारी दिनुपर्ने व्यवस्था छ।
यसरी जानकारी पाएको ३० दिनभित्र बोर्डले स्थलगत निरीक्षण र जाँचबुझ गर्नेछ। थप व्यवस्था गर्नपर्ने देखिएमा बोर्डले ३० दिनको समय थपिदिनेछ।
यो अवधिमा पनि तोकिएको न्यूनतम पूर्वाधार तयार नगर्नेको अनुमति स्वतः रद्द हुनेछ।
बोर्डले हरेक तीन/तीन वर्षमा बजारको आवश्यकता अनुसार धितोपत्र दलाल थप्न सक्ने व्यवस्था छ।
-1746009348.jpg)
