नबिल बैंकको कायममुकायम प्रमुख कार्यकारी अधिकृत (सिइओ)मा मनोज ज्ञवाली नियुक्त भएका छन्।
बुधबार बिहान बसेको बैंकको ६७७औं सञ्चालक समिति बैठकले ज्ञवालीलाई नियुक्त गरेको हो।
नायव प्रमुख कार्यकारी अधिकृतको रूपमा भूमिका निर्वाह गर्दै आएका ज्ञवालीलाई कायममुकायम प्रमुख कार्यकारी अधिकृतमा नियुक्ति दिइएको हो।
उनी चार्टर्ड एकाउन्टेन्ट समेत हुन्। दुई दशकदेखि ज्ञवाली बैंकिङ क्षेत्रमा छन्।
बैठकले सिइओ ज्ञानेन्द्र प्रसाद ढुंगानाको राजीनामा समेत स्वीकृत गरेको छ।
गभर्नरको उम्मेदवार बन्ने तयारीको लागि भन्दै ढुंगानाले बैंक छोडेका थिए।
