भारत-नेपाल बीच बनेको क्रस बोर्डर पेट्रोलियम पाइपलाइन आज उद्घाटन हुने भएको छ। भारत र नेपालका प्रधानमन्त्रीले एकैपटक स्वीच थिचेर उद्घाटन गर्ने कार्यक्रम रहेको छ।
भारतका प्रधानमन्त्री नरेन्द्र मोदीले आफ्नो निवासबाट स्वीच थिचेर डिजल सेन्ड गर्ने र नेपालका प्रधानमन्त्री केपी शर्मा ओलीले बालुवाटारबाट स्वीच थिचेर रिसिभ गर्नेछन् । यसरी रिसिभ एको डजेल अमलेखगञ्जमा नेपाल निगमका कार्यकारी निर्देशकले डब्बा (भाँडो) थापेर उद्घाटन गर्नेछन्।
कम्प्युटरकै माध्यमले पाइपलाइन बन्द र खुला गर्न अमलेखगञ्जमा कन्ट्रोल रुम बनाईएको छ। पेट्रोलियम पाइपलाइनलको क्षमता दैनिक २४ घण्टासम्म संचालन हुन सक्ने छ।तर अहिले पूर्ण क्षमतामा चल्दैन ।
प्रती घन्टा २९४ किलोलिटर तेल पाइपबाट आउँछ। पाइपलाइनबाट तेल आएको दिनदेखि नै बजारमा पठाइने आयल निगमले जानकारी दिएको छ।
तेल शुरूमा प्रमुख शहर काठमाडौं, पोखरा र अमलेखञ्जमा पठाइन्छ।
अमलेखगन्ज डिपोमा पाइपलाइनबाट आएको तेल भण्डारणका लागि ४ वटा ट्याङ्की राखिएका छन्। ४१ सय किलोलिटर क्षमताका दुई वटा र ३९ सय किलोलिटर क्षमताका दुई वटा ट्याङ्की छन्।
ती ट्याङ्कीमा तेल भरेर राखिएको छ।
आजदेखि पाइपलाइनबाट नियमित डिजल आउने छ।
नेपाल आयल निगम र इन्डियन आयल कर्पोरेसनको संयुक्त लगानीमा भारतको मोतिहारीदेखि अमलेखगञ्जसम्म (६९.५ किलोमिटर)मा बनेको पाइपलाइनमध्ये भारतमा ३२.२५ र नेपालमा ३७.२५ किलोमिटर पर्दछ।
यो आयोजनाका लागि २ अर्ब ७५ करोड लागत लाग्ने छ।
प्रकाशित मिति: मंगलबार, भदौ २४, २०७६, ०१:००:००
.jpg)
