हुवावे नेपालले काठमाडौंको हात्तीसारस्थित हुवावे टावरमा बहुप्रतिक्षित मिनी एमडब्ल्युसी २०२६ आयोजना गरेको छ।
उक्त विशेष कार्यक्रममा नेपालका प्रमुख दूरसञ्चार सेवा प्रदायक संस्थाका नेतृत्व तहका प्रतिनिधि तथा प्राविधिक विज्ञहरू सहभागी भई नेपालको डिजिटल इकोसिस्टमको भविष्यबारे छलफल गरेका थिए।
गत वर्ष सफलतापूर्वक सम्पन्न भएको मिनी एमडब्ल्युसी २०२५ को निरन्तरता स्वरूप यस वर्षको सम्मेलन कृत्रिम बुद्धिमत्ता (एआई) को व्यवसायीकरण तथा आगामी पुस्ताको नेटवर्क क्षमताको विस्तारमा केन्द्रित थियो।
परम्परागत कनेक्टिभिटीभन्दा अगाडि बढ्दै, हुवावेले आफ्नो विश्वव्यापी नाराः 'नाउ इज योर्स' अन्तर्गत नेपालमा एआई नवप्रवर्तन र दूरसञ्चार व्यवसायिक मूल्यबीचको दूरी कम गर्ने स्पष्ट रणनीति प्रस्तुत गरेको थियो।
उक्त कार्यक्रम सहकार्यात्मक नवप्रवर्तन मञ्चको रूपमा आयोजना गरिएको थियो, जहाँ हुवावेले दुई प्रमुख रणनीतिक आयामहरू—एआई फर नेटवर्क्स तथा नेटवर्क्स फर एआई—अन्तर्गत व्यवहारिक समाधान र दूरदृष्टिसहितका अवधारणाहरू प्रस्तुत गरेको थियो।
कार्यक्रममा प्रस्तुत गरिएका प्रमुख प्रविधिगत विशेषताहरू
१. एजेन्टिक कम्युनिकेसन नेटवर्क्स (एसिएन)
हुवावेले बुद्धिमान नेटवर्क सञ्चालनका लागि आफ्नो पहिलो एआई-आधारित फ्रेमवर्क तथा एजेन्टिक कोर समाधान प्रस्तुत गरेको थियो।
यो प्रविधिले अत्यन्त स्थिर, प्रभावकारी तथा स्वचालित नेटवर्क (एएन एल४) निर्माणमा सहयोग पुर्याउनेछ, जसले अपरेटरहरूलाई कार्यप्रवाह स्वचालन तथा नेटवर्क अप्टिमाइजेसनमा उल्लेखनीय सुधार गर्न सक्षम बनाउनेछ।
२.फाइभजी-एडभान्स्ड (फाइभजी-ए) तथा मोबाइल ब्रोडब्यान्ड इन्टेलिजेन्स
हुवावेले फाइभजी-ए (५.५जी) मोबाइल ट्रान्सपोर्ट आर्किटेक्चरका व्यावसायिक सम्भावनाबारे विस्तृत जानकारी प्रस्तुत गरेको थियो।
कम्पनीले 'फाइबर हेल्थकेयर' अवधारणामार्फत फाइबर नेटवर्कको अवस्थालाई पूर्वानुमानात्मक रूपमा निगरानी गर्दै, आकस्मिक फाइबर कटौतीका कारण हुने सेवा अवरोधलाई न्यूनिकरण गर्ने प्रविधि प्रदर्शन गरेको थियो।
३. एआई-केन्द्रित अल-अप्टिकल टार्गेट नेटवर्क्स
नेपालमा उपभोक्ता एप्लिकेसन तथा क्लाउड कम्प्युटिङका कारण तीव्र रूपमा बढिरहेको डाटा आवश्यकतालाई सम्बोधन गर्न, हुवावेले एआई-केन्द्रित अप्टिकल नेटवर्क विकासको प्रस्ताव अघि सारेको थियो। यसले अधिकतम ब्यान्डविथ, न्यून विलम्बता (लेटेन्सी) तथा ऊर्जा खपतमा उल्लेखनीय कमी ल्याउने लक्ष्य राखेको छ।
४. हुवावे डिजिटल पावर: दिगो तथा बुद्धिमान पूर्वाधार निर्माणतर्फ
मिनी एमडब्ल्युसी २०२६ को प्रमुख आकर्षणमध्ये एक हुवावे डिजिटल पावर पनि थियो, जसले नेपालको भौगोलिक तथा पूर्वाधारगत चुनौतीहरूलाई केन्द्रमा राख्दै समाधानहरू प्रस्तुत गरेको थियो।
हुवावेले आफ्नो नयाँ पुस्ताको साइट पावर संरचना 'सिङ्गल साइट पावर' तथा उन्नत इनर्जी स्टोरेज सिस्टम्स (इएसएस) सार्वजनिक गरेको थियो।
एआई प्रविधिको समायोजनमार्फत यी हरित ऊर्जा समाधानहरूले सौर्य ऊर्जा (पिभी), लिथियम ऊर्जा भण्डारण तथा दूरसञ्चार उपकरणबीच सुरक्षित, स्वच्छ तथा बुद्धिमान समन्वय निर्माण गर्नेछन्।
यो संरचनाले स्थानीय अपरेटरहरूलाई परम्परागत बेस स्टेशनलाई ऊर्जा-दक्ष तथा लचिलो 'प्रोसुमर' साइटमा रूपान्तरण गर्न सहयोग पुर्याउनेछ। जसले विद्युत ग्रिडको उतारचढाव व्यवस्थापन गर्नुका साथै राष्ट्रिय दूरसञ्चार सञ्जालको कार्बन उत्सर्जन घटाउन मद्दत गर्नेछ।
नेपालमा २६ वर्षभन्दा लामो साझेदारीलाई स्मरण गर्दै हुवावे नेपालले नेपाल सरकारको डिजिटल नेपाल फ्रेमवर्कलाई सहयोग गर्ने आफ्नो प्रतिबद्धता पुनः दोहोर्याएको छ।
दूरदराजका गाउँहरूमा हालै सञ्चालन गरिएका स्मार्ट क्लासरुम परियोजनासहित ग्रामीण कनेक्टिभिटी विस्तार, स्थानीय आइसिटी प्रतिभा विकास तथा नवप्रवर्तन प्रवर्द्धनमार्फत हुवावेले नेपालको डिजिटल रूपान्तरण यात्रालाई तीव्रता दिन महत्वपूर्ण भूमिका निर्वाह गर्दै आएको छ।
