टिकटकले सन् २०२६ को दोस्रो त्रैमासिक (अप्रिलदेखि जुनसम्म) को कम्युनिटी गाइडलाइन्स इन्फोर्समेन्ट रिपोर्ट सार्वजनिक गरेको छ।
रिपोर्टमा टिकटकका कम्युनिटी गाइडलाइन्स उल्लंघन गर्ने कन्टेन्ट पहिचान गरी हटाउन प्लेटफर्मले चालेका कदमहरूको उल्लेख छ।
यसले सुरक्षित र विश्वसनीय डिजिटल वातावरण निर्माण गर्ने टिकटकको प्रतिबद्धतालाई पुनः पुष्टि गरेको छ।
नेपालमा उक्त तीन महिनाको अवधिमा टिकटकले कम्युनिटी गाइडलाइन्स उल्लंघन गरेका २० लाख ३६ हजार १९१ वटा भिडिओ हटाएको छ।
यो नेपालमा प्रकाशित कुल भिडिओको ०.४ प्रतिशत हो।
प्रयोगकर्ताले रिपोर्ट गर्नुअघि नै पहिचान गरी हटाइएका भिडिओको दर ९९.५ प्रतिशत रहेको छ।
त्यस्तै, गाइडलाइन्स उल्लंघन गरेका ९२.३ प्रतिशत भिडिओ २४ घण्टाभित्र हटाइएका छन्। थप समीक्षा गरेपछि ३३ हजार ५०३ वटा भिडिओ पुनःस्थापना गरिएका छन्।
टिकटकले विश्वव्यापी रूपमा १८ करोड ८२ लाख ९८ हजार १४१ वटा भिडिओ हटाएको छ, जुन यस प्लेटफर्ममा अपलोड गरिएका कुल कन्टेन्टको करिब ०.५ प्रतिशत हो।
तीमध्ये १८ करोड ३३ लाख ४४ हजार ७०७ वटा भिडिओ अटोमेटेड डिटेक्सन टेक्नोलोजीको प्रयोगबाट हटाइएका हुन्।
विश्वव्यापी रूपमा प्रयोगकर्ताले रिपोर्ट गर्नुअघि नै कन्टेन्ट पहिचान गरी हटाउने दर ९९.५ प्रतिशत रहेको छ भने ९२.७ प्रतिशत भिडिओ २४ घण्टाभित्र हटाइएका छन्।
समीक्षा गरेपछि कुल ६२ लाख ६२ हजार ३८३ वटा भिडिओ पुनःस्थापना गरिएका छन्।
टिकटकले प्रयोगकर्ता एकाउन्टको स्तरमा पनि प्लेटफर्मको विश्वसनीयता कायम राख्न निरन्तर काम गरेको छ।
यस अवधिमा १४ करोड ६८ लाख ७ हजार ४०० वटा फेक एकाउन्ट हटाइएको छ।
यसका अतिरिक्त, १३ वर्षभन्दा कम उमेरका प्रयोगकर्ताको हुन सक्ने आशंका गरिएका २६ करोड ८४ लाख ७ हजार ६७ वटा एकाउन्ट पनि हटाइएका छन्।
कम्युनिटी गाइडलाइन्स उल्लंघन गरेको भन्दै २७८,३८४,४६३ वटा कमेन्टसमेत हटाइएको छ।
टिकटकले लाइभ फिचरमा हुने गतिविधिको निगरानी र नियम कार्यान्वयनलाई पनि प्राथमिकतामा राखेको छ।
प्रकाशित सामग्रीमध्ये २.४ प्रतिशत लाइभ कन्टेन्ट निलम्बन गरिएको छ।
नियम उल्लंघनको कारबाहीस्वरूप टिकटकले ७ करोड ६७ लाख २१ हजार ९३ वटा लाइभ सेसन र २ करोड ६७ लाख ८१ हजार १३५ जना लाइभ क्रिएटरलाई चेतावनी दिएको वा उनीहरूबाट आम्दानी गर्ने सुविधा हटाएको छ।
समीक्षा गरेपछि २३ लाख ९८ हजार ८४६ वटा लाइभ सेसन पुनःस्थापना गरिएका छन्।
यी नतिजाले ठूलो परिमाणमा नियम उल्लंघन गर्ने सामग्री पहिचान गर्न अटोमेटेड मोडरेसन सिस्टमको भूमिका बढ्दै गएको देखाउँछन्।
क्रिएटर र कम्युनिटीका लागि सुरक्षित तथा सकारात्मक वातावरण कायम राख्न टिकटकले यस्ता प्रणालीलाई थप प्रभावकारी बनाउने प्रतिबद्धता जनाएको छ।
टिकटकले नियमित रूपमा कम्युनिटी गाइडलाइन्स इन्फोर्समेन्ट रिपोर्ट सार्वजनिक गर्दै आएको छ।
यसले कम्पनीको पारदर्शिताप्रतिको प्रतिबद्धता झल्काउने तम्पनीको भनाइ छ।
