पहिराका कारणले अवरुद्ध रहेको कर्णाली करिडोर बिहीबार बिहानदेखि एकतर्फी खुलेको छ। मंगलबार र बुधबार आएको अविरल वर्षाले सडक अवरुद्ध भएको थियो।
अविरल वर्षाका कारणले कर्णाली करिडोरअन्तर्गतको कालीकोट सडकखण्डकोे नरहरिनाथ गाउँपालिका–८ खुलालुदेखि बाजुराको सिमाना लैफुसम्म ठाउँठाउँमा लेदोसहितको पहिरो गएर अवरुद्ध बनेको थियो। दुई दिनसम्म बर्सातको कारण कर्णाली करिडोरअन्तर्गत सुर्खेत–हुम्ला सडकखण्डको खुलालुदेखि लैफुसम्म ठाउँठाउँमा पहिरो, लेदो खसेको र पहिरो हटाइ सडक पूर्ववत सञ्चालन गरिएको जिल्ला प्रशासन कार्यालय कालीकोटले जनाएको छ।
अहिले पनि सडकको माथिल्लो भिरालो जग्गाबाट ढुंगा खस्ने जोखिम रहेको साथै सडक साँघुरो र धेरै ठाउँमा एकतर्फी भएकाले यात्रा गर्दा आवश्यक सावधानी अपनाउन आग्रह गरिएकोसहायक प्रमुख जिल्ला अधिकारी तथा सूचना अधिकारी जनक शर्मा बताए।
