नयाँ र बलियो पूर्वाधारले सेवा प्रवाहमा कति सहज बन्छ भन्ने एउटा उदाहरण काठमाडौंमै छ। विकास निर्माणका काममा खासै प्रगति नभएको नेपालमा असारमा सम्पन्न काठमाडौं विमानस्थलको धावनमार्ग कालोपत्रेले उडानमा सहज बनाएको छ।
अघिल्ला वर्ष वर्षात्को समयमा दिनमा १ घण्टा विमानस्थल नै बन्द गर्नुपर्ने बाध्यता यो वर्ष हटेको छ।
पूरानो कालोपत्रे घाम पानी हुनेवित्तिकै उप्किने र चिरा पर्ने समस्याले दैनिक उडान प्रभावित हुन्थे। तर यो वर्ष भने यसर अहिलेसम्म धानमावर्ग चिरा परेर कुनै पनि उडान प्रभावित भएका छैनन्।
वर्षातको समय पछि पनि बेलाबेलामा यस्तो समस्या आउने गरेको थियो।
धावनमार्गको कुनै पनि बिन्दुमा चिरा पर्नेवित्तकै विमानस्थल नै बन्द हुन्छ। तर यो वर्ष नयाँ कालोपत्रे गरेपछि त्यो समस्याबाट विमानस्थल कार्यालयले पार पाएको छ।
अव्यवस्थित उडान तालिकाका कारण अहिले पनि दैनिक समयमा उडान नहुने समस्या भएपनि धावनमार्गकै कारण अवरोध शुन्य भएको छ।