विश्वव्यापी रूपमा फैलिएको कोरोना संक्रमणको कारण बैशाखमा युरो ६ मापदण्डको तेल नआउने भएको छ। युरो ६ तेल ल्याउने विषयमा इंडियन आयल कर्पोरेशन(आइओसी) सँग केही छलफल नभएको नेपाल आयाल निगमका प्रवक्ता विनितमणी उपाध्यायले बताए।
‘कोरोनाले पेट्रोलिय पदार्थको बिक्री ठप्प भएको छ, भण्डार गुह पनि फुल छ। युरो ६ को विषयमा केही छलफल भएको छैन,’ उनले भने।
कोरोना संक्रमको अन्त्य भएपछि मात्र युरो ६ तेल ल्याउनेबारे आइओसीसँग छलफल गरिने उनले बताए।
आईओसीले आफ्ना सबै रिफाइनरी केन्द्रमा युरो ६ मापदण्डको इन्धन अपग्रेड गर्ने भएपछि नेपालले पनि बैशाखबाट त्यही प्रकारको इन्धन ल्याउन लागेको थियो।
नेपालले इन्डियन आयल कर्पोरेसन (आइओसी)बाट इन्धन ल्याउँछ।
हाल प्रयोगमा आइरहेको युरो ४ मापदण्डको इन्धनमा सल्फरिक ५० पिपिए छ। युरो ६ मा १० पिपिए मात्रै हुन्छ। यसले वातावरण प्रदूषणमा ह्रास ल्याउन मद्दत गर्ने वातावरण विद्हरूको भनाइ छ।