नि:सन्तान सम्बन्धि सम्पूर्ण उपचार प्रदान गर्दै आएको वात्सल्य नेचुरल आइभिएफले नयाँ वर्षको अवसर पार्दै भक्तपुरको गठ्ठाघर चोकमा आफ्नो नयाँ शाखा सञ्चालनमा ल्याएको छ।
एक विधिगत कार्यक्रम गर्दै नयाँ वर्षबाट सञ्चालनमा ल्याइएको यस क्लिनिकले भक्तपुर र आसपासका क्षेत्रमा बसोबास गर्ने दम्पतिलाई सहजता प्रदान गर्ने विश्वास कार्यकारी निर्देशक प्रशान्त सुवेदीले लिएका छन्।
विभिन्न वर्गबाट सामाजिक सञ्जालमार्फत निरन्तर रूपमा निःसन्तान दम्पतिका लागि सहुलियतको माग भइरहेको तथ्यलाई ध्यानमा राख्दै उनले भने, 'नयाँ वर्षमा नयाँ शाखा सञ्चालनको अवसर पारेर हामीले सिमित समयका लागि अल्ट्रासाउन्ड र आइयुआई नि:शुल्क प्रदान गर्दैछौं।'
सन्तान प्राप्त गर्न नसकेका तर खर्च धेरै हुने सोचका कारण आधुनिक उपचारमा जान नचाहने दम्पतिका लागि यो अवसर आफ्नो प्रजनन अवस्था बुझ्न र आइयुआई मार्फत सन्तान प्राप्त गर्न राम्रो अवसर साबित हुन सक्छ।
यस शाखामार्फत नि:सन्तान सम्बन्धि विभिन्न सेवाहरू जस्तै सन्तान नहुने समस्या सम्बन्धि परामर्श, कारण पहिचाका लागि विभिन्न परीक्षण, आइयुआई र गर्भावस्था बेलाको जाँच र परामर्श जस्ता सेवा प्राप्त गर्न सकिनेछ।
