प्रधानमन्त्री केपी शर्मा ओली छाउनीस्थित कोरोना संकट व्यवस्थापन समिति (सिसिएमसी)को कार्यालय पुगेका छन्।
अहिलेसम्मका रिपोर्टबारे जानकारी लिन भन्दै उनी झण्डै १२ बजे छाउनीस्थित समितिको कार्यालयमा पुगेका हुन्।
प्रेस सल्लाहकार सूर्य थापाका अनुसार प्रधानमन्त्री ओली अहिले समितिमा आफ्ना कुरा राखिरहेका छन्।
‘आज प्रधानमन्त्री सिसिएमसीमा आउनुभएको छ। भित्र उहाँले आफ्ना कुरा राखिरहनुभएको छ,’ उनले भने।
रक्षा मन्त्री इश्वर पोखरेल संयोजकत्व रहेको कोरोना रोकथाम तथा नियन्त्रण उच्चस्तरीय समिति अन्तर्गतको सिसिएमसीमा प्रधानमन्त्रीले ३ घण्टा भन्दा बढी समय विताएका छन्।