कोरोना महामारीमा अग्रपंक्तिमा खटिरहेकाहरूको सेवामा सम्मान व्यक्त गर्न काठमाडौंका भित्तामा चित्र कोर्न थालिएको छ।
स्वास्थ्यकर्मी, प्रहरी, सरसफाइकर्मी, पत्रकारलगायत अग्रपंक्तिमा खटिएकाहरूको सम्मानका लागि रत्नपार्क क्षेत्रका भित्तामा चित्र कोरिएको छ।
‘स्वास्थ्यकर्मीलगायत महामारीमा दिनरात खटिरहनुभएको छ। उहाँहरूले हजारौं बिरामीको उपचार गरिरहनुभएको छ। तर सम्मान जति हुनुपर्ने त्यो भएको छैन। सकरात्मक सोचौं र महामारीमा खटिएकाहरूलाई सम्मान व्यक्त गरौं भनेर भित्तामा चित्र कोर्न थालेका हौं,’ नेविसंघ नेता दुजाङ शेर्पाले भने।
शेर्पाले आफ्नै खर्चमा चित्र कोर्नका लागि कलाकारहरूलाई लगाएका छन्। साङ्गे लामा, किपा शेर्पा र सुमिना श्रेष्ठले चित्र कोर्ने काम गरेका छन्।
‘यो काम गर्न करिब ६० हजार खर्च लाग्नेजस्तो देखिन्छ,’ उनले भने।