नेकपा (संयुक्त)का कार्यवाहक अध्यक्ष घनश्याम भूसालले हामी राजनीतिको कस्तो समयमा बाँचिरहेका छौं भन्ने कुराको ज्वलन्त अर्थात् दिगम्बरी उत्तर आज प्रधानमन्त्री वालेन्द्र शाहले सदनमा नेपालको सीमाबारे बोलेर दिएको बताएका छन्।
प्रधानमन्त्री शाहले आइतबार सदनमा नेपालले पनि भारतको जग्गा मिचेको छ भन्ने अभिव्यक्ति दिए पनि उनले यो कुनै अनौठो कुरा नभएको र यो आजको नेपाली राजनीति हिँडेको बाटोमा एउटा साइनपोष्टमात्रै भएको बताएका हुन्।
‘हामी राजनीतिको कस्तो समयमा बाँचिरहेका छौं भन्ने कुराको ज्वलन्त अर्थात् दिगम्बरी उत्तर आज प्रधानमन्त्रीले सदनमा नेपालको सीमाबारे बोलेर दिएका छन्। र, यो कुनै अनौठो कुरा होइन। यो आजको नेपाली राजनीति हिँडेको बाटोमा एउटा साइनपोष्टमात्रै हो,’ उनले भनेका छन्।
राष्ट्र वा समाजको यस्तो क्षणलाई स्वनामधन्य ग्राम्सीले सबैभन्दा राम्रोसँग चित्रण गरेको बताएका छन्।
यस्तो अवस्थालाई ग्राम्सीले पुरानो मरेको तर नयाँ नजन्मिएको क्षण भएaको बताएका छन्।
‘यो ऐठनको समय हो। यो नालाकयहरुबाट लफंगाहरूमा राजपाठ सरेको समय हो। हेक्का रहोस्, यो गन्तव्यतर्फ पूर्वाभ्यास मात्रै हो। नेपाल राष्ट्रले भोग्नु पर्ने दुर्दिन अझै धेरै छन्। पुरानैमा सास भर्न सकिन्छ कि भनेर यो अभागी समाजको एउटा पङ्तिले जहिलेसम्म सतिदेवीको लास बोकिरहन्छ र समाजको अर्को पङ्ति तथाकथित नयाँको चूर नसाबाट ब्युँझिन्न तबसम्म यस्तै भैरहन्छ। यो चानेचुने छैन। ब्यहोर्न तयार भए हुन्छ,’ उनले भनेका छन्।
-1778054529.jpg)
